Þetta virkar semsagt svona:
Hluti dagbókarinnar er sýnilegur hverjum þeim sem hér ber að garði. Þar eru, eins og gefur að skilja, einungis skrifaðir þeir hlutir sem hver sem er má lesa.
Hafi lesandi hins vegar lykilorð getur hann skráð sig inn og séð aðra hluta bloggsins. Þeir eru nokkrir og mismunandi efni í hverjum fyrir sig, og ekki sjálfgefið að lykilorð veiti aðgang að þeim öllum. Dýpt aðgangsins fer eftir mínum eigin geðþóttaákvörðunum, en grundvallast þó fyrst og fremst á því hversu vel ég þekki viðkomandi aðila og hversu miklu ég vil deila með honum.
Flóknara er þetta nú ekki og aldeilis ekkert að óttast.