Nei, hættiði nú alveg! Hversu oft á eiginlega að troða þessari skelfilegu og óþolandi Atorku auglýsingu ofan í kokið á manni?! Hún er stanslaust á skjánum. Algjörlega alltaf.
Og eins og það sé ekki nóg að þessu er klínt framan í mann í hverju einasta andskotans auglýsingahléi, bæði hjá Ríkissjónvarpinu og Skjá einum, heldur er þetta alveg skelfilega hallærislegt og þreytandi í ofanálag.
Ef út í það er farið, er einhver einhverju nær um hvern andskotann er eiginlega verið að auglýsa? Ekki hef ég nokkra hugmynd um hvaða þetta déskotans fjárfestingafyrirtæki gerir og hvað það á skylt við orku og auðlindir og vhað það nú allt saman er sem þeir láta aumingja drenginn jarma um í þessu helvíti.