Yfir þessum hryllilegu brúðkaupssíðum sem eru á netinu. Hvernig í veröldinni stendur á því að það virðist ekki vera hægt að setja upp almennilega íslenska heimasíðu með hagnýtum upplýsingum fyrir brúðkaupsundirbúning án þess að drekkja því í amerískri froðu og alltumlykjandi væmni?
Það virðist einhvern veginn alls staðar vera reiknað með því að öll brúðhjón vilji hafa "stóra daginn sinn" eins og klipptan út úr hollíwúddbíómynd. Ég veit ekki, kannski langar ferlega mörg brúðhjón til þess, en við viljum það allavega ekki. En það virðist ætla að kosta mig það að ég geti ekki fundið almennilegar upplýsingar neins staðar, eins og t.d. um hvar í fjandanum er gott að láta prenta boðskort.